最近又翻睇<神奇兩女俠>
由鄭裕玲及葉童主演的87年港產片
甘國亮執導
之所以說"又"
事關真的再三又再三
六六無窮咁滯
（另一套不斷翻loop是<神勇雙妹嘜>，又係嘟姐！）
只要喜歡一樣事物
我就是這樣窮追猛打
電影還有小說版
小說版可慢慢咀嚼抵死又刻薄的對白
在腦裏回味一輪才揭下一頁
故事講述性格迥異的梁好逑與連子蓉
由雙雙選美落敗開始
在一星期內如何互相扶持
爭仔決裂到互相扶起
故事簡單但細節精彩
最正是典型十三點的逑
句句沒頭沒腦的頂撞執着要面子的蓉
以下是爆笑場景：
場景 1：逑安慰剛落選+畀男友飛的蓉
蓉：入選後好多時喺佢（男友）度瞓，太夜返屋企驚畀人鬧……
逑：唔返屋企瞓，反而唔鬧呀？咁怪雞既？
……
蓉：你都拍過唔少拖啫？
逑：咁好到喺佢度過夜就冇……
蓉：%^&&zxy……
場景 2：兩女爭型男jun而決裂
蓉：你唔記得尋晚上van仔嗰陣，佢特登拖我手咩？好明顯啦
逑：佢有兩隻手架呵，拖我?隻唔知係左定右呢？
旁白：逑對疾如流，可能歸功於這一切都是昨晚的實況
蓉：佢係放你在眼內，就唔會半夜三更都頂唔順走出去啦
逑：我夠未見過人cheap到好似你咁咯，咁stand by法都制既你，嘥咗你唔去做看更呀！
旁白：逑一動真火，立見天份，字正腔圓的數落蓉。
……
電影版最正是鄭裕玲vs葉童
嘟姐難得裝胸扮沒頭沒腦+滿口波子的大胸十三點
87年的葉童有型自信
還未造作得像07年劇集的貴婦師奶
兩個演技不相伯仲的人碰在一起
眉來眼去都是戲
火花四濺到呢
實在令人興奮
有甚麼比女人鬧交好看
還有當時初出茅廬的型男王敏德
一班過鏡也交足戲的"落選佳麗"，包括呂珊
目不遐給到
很多人都視TVB劇集<山水有相逢>為女人鬥咀劇經典
那電影就必選<神奇兩女俠>
90分鐘的高密度鬥咀鬥演技
兩者都出自甘國亮手筆
對白是最精彩位
兩位女主角風格迴異
嘟姐玩沒頭沒腦十三點
黃韻詩則貫徹刻薄+忟憎
沒的比較
平分秋色
小時候覺得電影怪怪的
想不到人大了反覺得精彩
即使32年後看也不覺得out
這就是經典吧
ps 1
初中時以小說版做學校的讀書報告
難得當時個miss冇乜所謂
看來她根本乜冇心考究真偽
搞笑是做book report前冇點睇過本書
反而事後才真正看
還要不只一次
但當然並非出自心虛
ps 2
之前睇完小說版那一刻
耳際剛好傳來電影主題曲<敢愛敢做>
那刻真有莫名的激動！
刻意都冇可能咁橋
在逾1,000首歌的random x 揭到最後一頁
爆到難以想像的巧合
為那次翻看活動上
劃上完美的休止符
ps 3
01年港台初遇嘟姐
乘機遞上小說版索簽名
遺憾竟然冇合照
後來另一次在tvb再遇嘟姐
遞上<人間蒸發>小說版
當時佢都忍不住笑：
呢本你都有呀？
記憶已十分依稀……
